اسلام آباد14ستمبر (اے پي پي) د خزانې وفاقي وزير شوکت ترين وئيلي دي چې معيشت كښې په ښه ډول ريونيو زياتېږي٬ ستمبر كښې به كامياب پاكستان پروګرام پېل كوٶ، د څلوېښتو نه تر 60 لكه كورنيو ته به خپلو پښو د اودرېدو موقع ترلاسه شي، مستحق كسانو ته به ټارګټډ سبسډي وركوٶ٬ د صحت كارډ دائره به لا پراخه كوٶ٬ حكومت د عام وګړو په آمدن كښې اضافې لپاره كار كوي، پاکستان د کووډ۔19 باوجود په لس رامخې ته شوې معيشتونو كښې شامل دے٬ هره اوونۍ كښې به د معيشت د صورتحال نه اولس خبروٶ۔ د نهې په ورځ د اطلاعات او خپرونو وزيرمملکت فرخ حبيب او د وزيراعظم فوډ سكيورټي لپاره خاص مرستيال جمشېد اقبال چيمه سره خبري كنفرنس ته د خزانې وزير ووئيل معيشت مستحکم كېږي٬ لاندې طبقې ته به كېس سبسډي وركولې شي٬ اولس ته به د تېر كال په بيعه اوړه وركوٶ، د روپۍ قدر كمېدو سره قرضې زياتې شوې دي، اوړو او په خوراكي توكو به ټارګټډ كېشن سبسډي وركوٶ، چې معيشت وده وكړي نو تنخاګانې به هم زياتې شي٬ افغانستان سره كاروبار لپاره د ځائي كرنسۍ په استعمال خبرې روانې دي۔ ده ووئيل د هېواد ضرورت تر سره كولو لپاره دا مهال مونږ غنم٬ دالونه٬ خوراكي تېل او توكې درآمد كوٶ٬ په درامداتو انحصار كمولو لپاره به مونږ له كركيلې ته پام كول وي او د كروندګرو به خيال ساتل وي۔ ده ووئيل مونږ له به د خپلو ګرانو څيزونو درامد كمول وي٬ په تېر وخت كښې كركيلې ته زيات پام نه دې كړې شوې٬ كروندګرو ته به د دوي دوي صحيح حق نه ترلاسه كېدو۔ ده ووېيل مونږ به د غېر معمولي منافع خورو لاره نيول وي٬ د هېواد د ترلاسه ذخيرو ودې لپاره هم اقدامات كوٶ۔ ده ووئيل د غنمو امدادي بيعه 1950 روپۍ من كړې شوې ده دې سره كروندګرو ته ګټه شوې ده٬ په تېرو څو كلونو كښې د غنمو بيعه په ځائ ساتلو سره پېداوار كښې اضافه نه ده شوې٬ هيله لرو چې د اوړو بيعه به كمه شي۔ ده ووئيل د ستمبر مياشت څخه به ټارګټ سبسډي وركوٶ٬ وړاندې يوازې په ګاز او برېښنا سبسډي وركولې كېده٬ اوس به په اوړو او خوراكي توكو ټارګټډ کېش سبسډي وركوٶ٬ مونږ له وئير هاٶسز او کولډ سټوريج جوړل دي٬ د زياتې منافع اړهتيانو كردار به ختموٶ۔ ده ووئيل په نړيوال ماركيټ كښې د چينۍ ٬ غنمو او خوراكي تېلو په بيعه كښې د 70 نه تر 85 فيصده اضافه شوې ده، مونږ د نړوال ماركيټ نه پرته په ځائي كچه د چينۍ٬ غنمو او د خوراكي تېلو بيعه كښې د 15 نه تر 20 فيصده اضافه كړې۔ ده ووئيل په سيمه ايز تقابل كښې د څيزونو په بيعه كښې اضافه پاكستان كښې د ټولو نه ټيټه وه٬ ده ووئيل شل كاله وړاندې چې كومه بيعه وه بهرحال اس ھغه نه ده او په راتلونكې لس كالو كښې به موجوده بيعه مختلف وي۔ ده ووئيل زمونږ محصولات په زياتېدو دي ٬ په اولس به د دې نېغ په نېغه اثر وشي۔ پنجاب او بلوچستان كښې به د صحت کارډ اجراء د حکومت لخوا كولې شي۔ ده ووئيل چې د پي ټي آئي حكومت راغې نو په مجبورۍ آئي اېم اېف پروګرام ته لاړو٬ ده ووئيل پاليسي رېټ 13.25 فيصده او د روپۍ قدر كښې كمې شوې چې وسره په قرضو كښې اضافه شوې او اوس قرضې 39.9 ټرېليونه روپو ته رسېدلې دي٬ دا قرضې په كال 2019 كښې 25.29 ټرېليونه وي۔ ده ووېيل د څلورو نه تر پنځه اربه ډالره مالي پانګې زياتې شوې دي۔ ده ووئيل د جي ډي پي په لحاظ سره په كال 2020 كښې قرض 85.7 ټرېليونه ٶ او په كال 2021 كښې 81.8 ټرېليونه شوي٬ په كال 2018 كښې د جي ډي پي په لحاظ قرض 74 فيصده وي۔ ده ووېيل كله چې معيشت په پراخيتا كښې وي نو قرضې زياتېږي، د نجکاري کمېشن د لارې بورډ جوړڅ په زيان چلېدونكې د لس ادارو نجكاري به كوٶ۔ د يوې پوښتنې په ځواب شوکت ترين ووئيل د ريټرن فائلنګ په نيټه كښې د پراختيا پحقله به اېف بي آر سره خبره كوم، تر لس ورجو د اېف بي آر سسظم جام ٶ۔ د خزانې وفاقي وزير ووئيل افغانستان سره كاروبار لپاره د ځائي كرنسۍ په استعمال خبرې روانې دي٬ پاکستان به په هر صورت كښې د افغانستان مرسته كوي
افغانستان سره كاروبار لپاره د ځائي كرنسۍ په استعمال خبرې روانې دي٬ معيشت كښې په ښه ډول ريونيو زياتېږيشوكت ترين
مضمون کا ماخذ : لوٹیریا کا اطلاق
متعلقہ مضامین
