اسلام آباد 22 ستمبر (اے پي پي) اولس مشر ډاكټر عارف علوي وئيلي دي چې د آئين لخوا په وركړے شويو اختياراتو كښې د اولس مشر چوكۍ ډېره مهمه او بې طرفه ده٬ احتجاج د مخالفې ډلې د ګوندونو حق وي خو د پارلمان په شريكه غونډه كښې زما د وېنا په مهال د اپوزيشن رويه افسوس ناكه وه٬ ما غوښتل چې پارلمان ته په وېنا كښې په وړومبې لس دقيقې د كشمير په مسئله خبرې وشي چې دغسې يو پېغام د شريك ايوان نه لاړ شي خو اپوزيشن د احتجاج د لارې هندي مېډيا ته د پروپېګنډې موقع وركړه٬ د نړيوالو اړيكو په اړه چې حكومت كومه هم ذمه واري راكړه پوره به ئې كړم٬ معيشت د استحكام په لار روان شوے٬ د ټېكس وركوونكو په شمېره كښې 70 فيصده اضافه شوې٬ په درآمد او برآمد كښې توازن راغلې٬ حكومتي اخراجات كم شوي او ترسيلات زر كښې اضافه شوې۔ ده دا خبرې ?? جيو نيوز په پروګرام كښې د سهېل وړائچ سره په خپلو خبرو كښې وكړې۔ اولس مشر ووئيل چې څو ځله مې د ژوند په بېلا بېلو څانګو كښې د مصنوعي ذهانت په اختيارولو زور راوړې او اوس په هېواد كښې دا لفظ عام شوے۔ د مصنوعي ذهانت حواله وركولو سره اولس مشر ووئيل چې اول به دا د ګاډو په صنعت او جنګونو كښې كارول كېدو٬ د ترهګرې په ضد جنګ كښې منصوعي ذهانت كارول شوې۔ په جمهوري نظام كښې د اولس مشر د كردار په اړه ده ووئيل چې د آئين لخوا په وركړے شويو اختياراتو كښې د اولس مشر چوكۍ ډېره مهمه او بې طرفه ده٬ احتجاج د مخالفې ډلې د ګوندونو حق وي خو د پارلمان په شريكه غونډه كښې زما د وېنا په مهال د اپوزيشن رويه افسوس ناكه وه٬ ما غوښتل چې پارلمان ته په وېنا كښې په وړومبې لس دقيقې د كشمير په مسئله خبرې وشي چې دغسې يو پېغام د شريك ايوان نه لاړ شي خو اپوزيشن د احتجاج د لارې هندي مېډيا ته د پروپېګنډې موقع وركړه۔ ده ووئيل چې قائداعظم محمد علي جناح مې آئيډيل شخصيت دے او د محترمې فاطمه جناح د آزادې تحريك لپاره په سياسي هڅو كښې مهم كردار و۔ اولس مشر ووئيل چې په تحريك پاكستان كښې د دوه قومي نظرئې كردار ډېر مهم و او قائداعظم محمد علي جناح او علامه اقبال په دې عمل كولو سره د رياست بنياد ايښې۔ د افغان مسئلې په اړه اولس مشر ووئيل چې افغان اولس مشر اشرف غني سره په ملاقاتونو كښې ئې د افغانستان په مسئله خاص خبرې ??وې دي۔ د پروګرام په مهال په ايوان صدر كښې په بېلا بېلو هېوادونو كښې د تعينات كِړې شويو سفيرانو په درنښت كښې دستوره هم ??شو?? او د نيوزي لېنډ٬ وېنزوېلا ٬ قبرس ٬ ګهانا او د نورو هېوادونو سفيرانو اولس مشر ته خپل سفارتي اسناد هم وړاندې كړل۔ اولس مشر ووئيل چې د كشمير صورتحال بايد په هره كچه په ډاګه كړې شي٬ هند حقائق پټولو سره د نړۍ په وړاندې خپل ځان مظلوم وړاندې كړے خو اوس ئې مونږ څرګندول پېل كړي دي۔ د هندي جارحيت په شا آر اېس اېس او نور انتهاخوښي تنظيمونه دي۔
د اولس مشر ډاكټر عارف علوي د جيو نيوز په پروګرام كښې خبرې
مضمون کا ماخذ : رومن دولت
متعلقہ مضامین
