اسلام آباد 06 نومبر(اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې په قومي معاملو او د آئين او قانون سرلوړې لپاره دې وكيلان لارښودنه وكړي، بار اېسوسي اېشنز سياسي ګوندونه په لويو اصلاحاتو رانزدې كولو كښې كردار ترسره كولې شي، په انتخابي اصلاحاتو او د نېب آرډيننس پشمول په نوره مهمه قانون سازې كښې به د وكيلانو او بار اېسوسي اېشن د كردار هركلې كوو، د نېب آرډيننس چېلنج كولو په ځائ دې اصلاحات تجويز كړې شي، وكيلان د بار او بېنچ ترمېنځه د پل كردار ترسره كوي، دا كردار دې په قوي معاملو كښې هم خپل كړے شي. ده دا خبرې د سپريم كورټ بار اېسوسي اېشن صدر احس بهون په مشرې كښې نويو ټاكل شويو مشرانو سره د ملاقات په مهال په خپلو خبرو كښې وكړې. د اطلاعاتو وفاقي وزير ووئيل چې په ټولنه كښې د قانون سرلوړې لپاره بايد وكيلان خپل كردار روان وساتي. ده ووئيل چې بار اېسوسي اېشنز ته به ځنډ مقدمې زر ترسره كولو لپاره هڅې كول وي. ده ووئيل چې د انصاف نه بغېر د پرمختللې ټولنې قيام ممكن نه دے. مونږ به د وكيلانو ستونزې حل كړو. وفاقي وزير ووئيل چې د وكيلانو خېر ښېګړه زمونږ وړومبې ترجيح ده او حكومت په دې لړ كښې هر ډول ممكنه اقدامات كوي. د اطلاعاتو وفاقي وزير د سپريم كورټ بار اېسوسي اېشن چارواكو ته په دې وروستيو ټاكنو كښې په كاميابۍ مباركي وركړه او دوي ته د هر ډول ممكنه مرستې كولو باور وركړو. په دې موقع د سپريم كورټ بار اېسوسي اېشن صدر چوهدري محمد احسن بهون ووئيل چې د عدليه بقا لپاره به خپلې هڅې روانې ساتو، د وكيلانو ټولنې په مونږ باور كړے او مونږ به د دوي په باور پوره راځو. ده ووئيل چې د مهمو عدالتي اصلاحاتو ضرورت دے. حكومت او اپوزيشن دې د سياسي مفاداتو نه بالا لويو اصلاحاتو لپاره مخ په وړاندې راشي.
بار اېسوسي اېشنز سياسي ګوندونه په لويو اصلاحاتو رانزدې كولو كښې كردار ترسره كولې شي. د اطلاعاتو او خپرونو وفاقي وزير چوهدري فواد حسېن د سپريم كورټ بار اېسوسي اېشن صدر په مشرې كښې پلاوي سره خبرې
مضمون کا ماخذ : سامراا سپلٹ
متعلقہ مضامین
