اسلام آباد۔11اگست (اے پی پی):وفاقی وزیر اطلاعات و نشریات چوہدری فواد حسین مذہبی عقائد دے احترام کوں حکومت دی بنیادی پالیسی قرار ݙیندے ہوئیں آکھیے جو رحیم یار ????ن اچ اقلیتاں دے قومی ݙینھ دے موقع تے مندر دا ول کھلݨ حکومت دی طرفوں اقلیتاں دے حقوق کوں ݙتی ونڄݨ آلی اہمیت دی غمازی کریندے ۔ ھک ٹویٹ اچ وفاقی وزیر اطلاعات آکھیے جو مذہبی عقائد دا احترام اساݙی بنیادی پالیسی اےٍ اتے اساں اینکوں یقینی بݨیسوں جو پاکستان دے آئین دے تقاضیں مطابق سارے شہری زندگی اتے آزادی دی نعمت توں فیدہ چاون ۔ واضح رہے جو رحیم یار ??ان دے علاقہ بھونگ شریف اچ 24 جولائی کوں اٹھ سالہ ہندو ٻال دے خلاف توہین مذہب دا مقدمہ درج کرایا ڳیا ہئی ،پولیس ٻال کوں گرفتار کر ڳھدا تے 4 اگست کوں مقامی عدالت اچ پیش کیتا، عدالت ٻال دی ضمانت منظور کرتے اینکوں چھوڑ ݙیوݨ دا حکم ݙتا تاں مشتعل ہجوم احتجاج کیتا تے بھن تروڑ نال مندر کوں ضیان پڄایا تاں جو وزیراعظم واقعہ دا فوری نوٹس ڳھدا تے مندر دی بحالی دا حکم ݙتا۔
رحیم یار خان اچ مندر دا ول کھلݨ حکومت دی طرفوں اقلیتاں دے حقوق کوں ݙتی ونڄݨ آلی اہمیت دی غمازی کریندے ، وفاقی وزیر اطلاعات و نشریات چوہدری فواد حسین
مضمون کا ماخذ : جنگل کے راز
متعلقہ مضامین
