اسلام آباد ۔ 19 اکتوبر (اے پی پی) وفاقی و??یر صنعت و پیداوار غلام مرتضیٰ جتوئی آکھیا ہے جو حکومت ملک اچ صنعت تے پیداوار دے شعبے دی ترقی سانگے جامع اقدامات تے عمل کریندی پئی ہے ،چین پاکستان اقتصادی راہداری دے تحت خصوصی اقتصادی زونز دے قیام نال ملک اچ روزگار دے نویں موقع پیدا تھی ویسن ۔ انہاں خی??لا?? دا اظہار انہاں میڈیا نال گالھ مہاڑ کریندے ہوئیں کیتا ۔ وفاقی و??یر آکھیا جوحکومت عوام دی چنگائی تے ملک کوں اقتصادی طور تے مضبوط بنڑاونڑ سانگے صنعتی شعبے دی ترقی تے بڑھوتری تے خصوصی توجہ ڈیندی پئی ہے ،پیداوار اچ ودھارے سانگے بہوں سارے اقدامات کیتے ویندے پے ہن جیں دے ثمرات آونڑ شروع تھی گے ہن ۔چین پاکستان اقتصادی راہداری دا ذکر کریندے ہوئیں انہاں آکھیا جو سی پیک دے تحت ڈوہیں ملکاں وچال صنعت تے ٹیکنالوجی دے شعبے اچ تعاون ??ے ترقی دے بہوں سارے منصوبیں تے کم جاری ہے ۔سی پیک دے تحت 55ارب ڈالر دی سرمایہ کاری کیتی ویندی پئی ہے جیں اچ سڑکاں تے بنیادی ڈھانچے تے توانائی دے منصوبے شامل ہن ایندے نال نال صنعتی تے تکنیکی تعاون ??ے بہوں سارے منصوبیں تے وی کم تھیندا پیا ہے انہاں آکھیا جو پیداوار اچ ودھارے دے نال نال ویلیو ایڈیشن وی اساڈا مطمع نظر ہے ،حکومت معیادی پیداوار کوں یقینی بنڑاونڑ سانگے کم کریندی پئی ہے اے گالھ بہوں خوش آئندہ ہے جو گزریل چا س??لا?? اچ صنعت تے پیداوار دے شعبے اچ بڑھوتری دی شرح 5فیصد توں ودھ رہی ہے ۔
حکومت عوام دی چنگائی ، صنعتی شعبے دی ترقی اتے بڑھوتری تے خصوصی توجہ ڈیندی پئی ہے، وفاقی وزیر صنعت تے پیداوار غلام مرتضیٰ جتوئی
مضمون کا ماخذ : نتیجہ ڈوپلا سینا
متعلقہ مضامین
