اسلام آباد 21فروری (اے پی پی)د خزانې وفاقي وزير سېنېټر اسحاق ډار سره د اولسي جمهوريه چين سفارتخانې افيئرز انچارچ پينګ چنكسو د نهې په ورځ په فنانس ډويژن كښې ملاقات كړے۔د خزانې وزير د دواړو هېوادونو ترمينځه د اوږدې مودې او د ورورولۍ اړيكې رامخې ته كړې۔په دې خبره زور ئې راوړو چې چين او پاكستان ګڼې اقتصادي دوه اړخيزه اړيكې لري۔دواړو ډلو په اقتصادي او مالياتي څانګو كښې د اړيكو په اړه د خيالاتو څرګندونه وكړه۔د خزانې وزير په دې سخت وخت كښې د پاكستان لپاره د چين مشرتابه ملاتړ وستائېلو او معيشت د پرمختګ په لاره روانولو لپاره ئې د حكومت لخوا پورته كړي بېل اقتصادي اقدامات څخه خبر كړو۔پينګ چنكسو د حكومت لخوا مالياتي استحكام په ځاې ساتلو او مخ په وړاندې بوتللو پالېسي اقدامات وستائېل۔ده د نيكو هيلو څرګندونه وكړه او د چين حكومت لخوا ئې پاكستان ته د پرله پسې ملاتړ باور وركړو او وې وئېل چې د چين حكومت د پاكستان اولس سره ولاړ دے او د هر ممكنه مرستې وركولو لپاره چمتو هم دے۔دواړو ډلو د سي پېك پروژو په پېشرفت هم د خيالاتو څرګندونه وكړه۔دغسې د خزانې وزير اسحاق ډار په معاونت او مرسته د پينګ چنكسو هڅې وستائېلې۔
د خزانې وفاقي وزير سېنېټر اسحاق ډار سره د چين سفارتخانې افيئرز انچارج ملاقات
مضمون کا ماخذ : کمپیوٹر لاٹری کے نتائج
متعلقہ مضامین
