ملتان 12 دسمبر (اے پي پي) خارجه وزير مخدوم شاه محمود قريشي وئيلي دي چې پاكستان مستحكم افغانستان ليدل غواړي، د دسمبر په 19مه نېټه په اسلام آباد كښې د اسلامي هېوادونو د خارجه وزيرانو كانفرنس كولې شي چې بنيادي مقصد ئې د افغانستان په بهترې او خوشحالې غور كول دي، ډېر قوتونه پاكستان كمزورې ليدل غواړي، خو د دوي خوب به پوره نه شي، پاكستان د هند څخه راتلونكو لپاره د وېزه په پالېسې كښې نرمي كړې، خو هند ئې نه كوي، د حضرت شاه ركن عالم په كلن عرس كښې د هند څخه د زرګونو په شمېر زائرينو د پاكستان سفر كول غوښتل خو دوې لپاره ستونزې پېدا كړې شوې او دوي شركت ونه كړے شو. ده دا خبرې د اتوار په ورځ د نيمې وچې عظيم روحاني لارښود حضرت شاه ركن عالم سهروردي ملتاني د 708م عرس وروستې دستورې ته په خپله وېنا كښې وكړې. خارجه وزير شاه محمود قريشي دعا كولو سره ووئيل چې الله تعالٰی دې پاكستان ته ډېر پرمختګ وركړي او د دې هېواد ستونزې دې حل كړي. ده ووئيل چې ډېر قوتونه په پاكستان كښې استحكام او خوشحالي ليدل نه غواړي ، دوي دلته اړې ګړې غواړي، خو د الله مرسته مونږ سره ده، مونږ به په دې ستونزو ډېره زر قابو بيامومو. ده ووئيل چې زمونږ په ګاونډي هېواد افغانستان كښې هم انتشار دے، مونږ هلته امن او خوشحالي غواړو او هم دې مقصد لپاره د دسمبر په 19مه نېټه د وزيراعظم عمران خان په مشرې كښې په اسلام آباد كښې كانفرنس كولې شي چې پكښې به د ټولو اسلامي هېوادونو خارجه وزير او نور مهم شخصيات ګډون كوي. ده ووئيل چې د پاكستان جيو سټېرېټجك پوزيشن په منطقه كښې ډېر مهم دے او مونږ په منطقه كښې امن لپاره هر ډول ممكنه اقدامات كوو. ده ووئيل چې دعا وكړئ چې د كشمير د شهيدان وينه رنګ راوړي او دوي آزادي ترلاسه كړي، پاكستان به په هر يو پلېټ فارم د كشميريانو حقونو لپاره غږ پورته كوي. ده ووئيل چې د شاه ركن عالم فېض پرون هم جاري و او جاري به وي. ده ووئيل چې چا د استانو خدمت كړے، مېوه ئې په نړۍ كښې ترلاسه كړې ده.
پاكستان مستحكم افغانستان ليدل غواړي، د دسمبر په 19مه نېټه په اسلام آباد كښې د اسلامي هېوادونو د خارجه وزيرانو كانفرنس كولې شي. خارجه وزير مخدوم شاه محمود قريشي
مضمون کا ماخذ : شمال کے ڈریگن
متعلقہ مضامین
