اسلام آباد۔31دسمبر(اے پی پی)وزیراعظم محمد شہباز شریف ملک دی پائیدار ترقی آلے 5 سالہ قومی اقتصادی منصوبے “اڑان پاکستان” دا افتتاح کرݙتے جیندا ??قصد برآمدات، ای پاکستان، ماحولیات، توانائی، برابری و بااختیار ٻݨاوݨ (فائیو ایز) دی پائیدار بنیاد تے برآمدات دے فروغ نال اقتصادی ترقی ودھاوݨ اے۔ اسلام آباد اچ تاریخی قومی اقتصادی پلان 2024-2029 “اڑان پاکستان” پروگرام دی افتتاحی تقریب نال خطاب کریندے وزیراعظم آکھیے جو اڄ اساں ہک عظیم ݙینھ اے ڄݙاں اساں “اڑان پاکستان” پروگرام
شروع کریندے پئے ہیں، اے پروگرام ساکوں اقوا?? عالم دے نال کھڑا کرݨ اچ مدد ݙیسی۔ انہاں آکھیا جو اے ہک نویں سویل دی شروعات اے، اساں سارے رل تے قائداعظم دے خواب کوں پورا کرݨ کیتے رل تے کم کریسوں، پاکستان کوں عظیم تر ٻݨیسوں، ملک کوں اڳو تے ڳھن ونڄݨ کیتے اشرافیہ کوں قربانی ݙیوݨی ہوسی، وفاق، صوبیاں اتے سارے تمام شراکت داراں دے تعاون نال “اڑان پاکستان” پروگرام تے عمل درآمد کیتا ویسی، ماضی دیاں غلطیاں توں سکھدے ہوئے قومی یکجہتی نال اڳو تے ودھسوں۔ وزیراعظم آکھیے جو 5 سالہ منصوبہ اچ آئی ٹی، زراعت، برآمدات، کان کنی اتے معدنیات دے شعبیاں تے توجہ ݙتی ڳئی اے، ایندی کامیابی قومی و س??اسی ہم آہنگی، سیاسی جماعتاں، اداریاں اتے عوام سودھا سارط فریقین دیاں اجتماعی کآخخاں نال جڑی ہوئی اے۔ انہاں آکھیے جو حکومت صوبائی حکومتاں اتے بین الاقوامی شراکت داراں نال رل تے کئی چیلنجاں اتے مشکلات تے قابو پاتے، حکومت کلی معیشت دا استحکام حاصل کرڳھدے، ڈیفالٹ توں ترقی اتے مضبوط معیشت دے سفر اچ کئی مراحل طے کیتن، اپݨی سیاست کوں قومی مفاد تے قربان کیتے، سیاست نئیں ریاست بچاوݨ کیتے کہیں وی حد تئیں ویسوں، ہر حالات دا سامݨا کرݨ کوں تیار ہیں۔انہاں دعا کیتی جو پروگرام معاشی استحکام دی پائیداری پاروں اے پاکستان کیتے آئی ایم ایف دا آخری پروگرام ہووے، کئی وجوہات پاروں پاکستان قرضیاں ہیٹھ دٻیا ہوئے۔ ڄیکر قائد دے رستے تے چلدے تاں پاکستان قرضیانو ات نا ہوندا، ہݨ رووݨ دھوݨ دا کوئی فیدہ نئیں، ماضی دیاں خرابیاں اتے کمزوریاں مکاوݨ کیتے پوری قوم عزم کر ڳھنے تاں پاکست??ن تیکھے اقوا?? عالم دے نال مونݙھا رلا تے کھڑا ہوس?? ٻھل ایندے کیتے سوچ ٻدلݨی ہوسی۔
وزیراعظم آکھیا جو “اڑان پاکستان” پروگرام تے عمل کرݨ دا ??یلھا آ ڳئے، اڄ حکومتی اصلاحات دے فیدے نظردے پین، پالیسی ریٹ اتے مہانگ دے ڳھٹݨ دی راہ کھل ڳئی اے، برآمدات اچ 11 فیصد، ترسیلات زر اچ 34 فیصد اتے آئی ٹی برآمدات اچ 34 فیصد ودھارا تھئے، اے سب ٹیم ورک دا ??تیجہ اے، حکومتاں اتے ادارے رل تے کم کرن تاں قوماں تیکھے اڳو تے ودھ ویندن، اینڄھا تعاون نمئیں ݙٹھا ڄیڑھا ساݙی حکومت کوں آرمی چیف اتے فوج دے ادارے ولوں ملدا ??ئے۔ انہاں آکھیے جو ملکی ترقی کیتے اساں ہک نویں سویل شروع کریندے پئے ہیں، ساکوں رل تے تحمل نال کم ڳھنݨا ہوسی۔ انہاں اڑان پاکستان پروگرام تے وزیرخزانہ، وزیرمنصوبہ بندی، صوبائی حکومتاں اتے متعلقہ اداریاں و افسران کوں مبارک ݙتی۔ تقریب نال نائب وزیراعظم اسحاق ڈار، وفاقی وزیرمنصوبہ بندی وترقی احسن اقبال اتے وزیر خزانہ محمد اورنگزیب وی خطاب کیتے۔ تقریب اچ فائیو ایز بارے ہک خصوصی دستاویزی فلم وی چلائی گئی۔
وزیراعظم، نائب وزیراعظم و وزیر خارجہ اسحاق ڈار، وفاقی وزراء، بلوچستان اتے خیبرپختونخوا دے گورنرز، وزیراعلی پنجاب مریم نوازشریف، وزیراعظم آزادکشمیر چوہدری انوار الحق اتے گورنر سٹیٹ بینک نال اڑان پاکستان پروگرام دے “لوگو”، کتاب اتے ویب سائٹ دا افتتاح وی کیتے۔
