اسلام آباد۔10ستمبر (اے پی پی) وزیر دفا?? خواجہ محمد آصف آکھیا جو تحریک انصاف آپݨے جلسے اچ نامناسب زبان استعمال کیتی اتے وفاق پاکستان کوں چیلنج کیتے، ملک دے وجود کوں ہک بندے دے وجود نال لازم قرار ݙیوݨ درست کائنی۔ منگل کوں قومی اسمبلی اچ پی ٹی آئی دے رکن علی محمد خان دے نکتہ اعتراض دے ولدے اچ انہاں آکھیا جو کل اتے پرسوں دے واقعے تے تفصیلی بحث تھئی اے پر اے آکھن جو خان نئی تاں پاکستان نئی تاں اوندا ری ایکشن امسی۔ گزریل رات جو تھیے او پرسوں دےجلسے دا ردعمل ہئی۔ انہاں آکھیا جو ایں ایوان دی تاریخ اچ کݙاہیں اینویں نی تھیا جو پریس گیلری اتے اے ایوان ہکو سواں موقف رکھیندا ہووے۔ تریمتیں بارے نامناسب زبان استعمال کیتی اتے وفاق پاکستان کوں چیلنج کیتے۔ انہاں آکھیا جو اقتدار اچ اتے اقتدار توں اںج تھیوݨ دے بعد پی ٹی آئی دی جدوجہد ݙیکھ ڳھنو۔ انہاں دی جدوجہد جمہوری اقدار نال نی رَلدی۔ انہاں دی ساری ڳالھ مہاڑ ملک دی سالمیت دے خلاف اے۔ نو مئی دے بعد انہاں سارے ملٹری ٹارگٹ چݨٰے اتے انہاں دی توہین کیتی ڳئی۔ کرنل شیر خان دامجسمہ ٻھن تے توہین کرو اتے چھی ستمبر کوں اتھ ونڄ تے فاتحہ خوانی کرو تاں ایں توں ودھ منافقت کیا ہوسی۔ ہک صوبے دے وزیراعلیٰ وفاق پاکستان کوں للکار ماری ولا اوندے بعد آکھیا جو فوج اساݙی اتے شہید وی اساݙے، اے جئیں ویلھے چاہندن بیانیہ بدل ڳھندن۔ انہاں آکھیا جو وزیراعلیٰ خیبرپختونخواہ 15 ݙینھ اچ بانی پی ٹی آئی کوں چھڑاوݨ دا اعلان کیتا ہئی، ݙو ݙینھ تھی ڳئے اساں انتظار کریندے پئیوں۔
تحریک انصاف آپݨے جلسے اچ نامناسب زبان استعمال کیتی اتے وفاق پاکستان کوں چیلنج کیتے، وزیر دفاع خواجہ محمد آصف
مضمون کا ماخذ : عمومی کلیدی الفاظ
متعلقہ مضامین
