اسلام آباد 28 مارچ (اے پي پي) په هېواد كښې د كورونا زياتېدونكي كېسونه په نظر كښې ساتلو سره په صوبو كښې په هاټ سپاټ كښې د لاك ډاٶن نفاذ سره سره د اپرېل د 5مې نېټې نه د ودونو او نورو دستورو په انعقاد مكمل بندېز لګول شوے. د اتوار په ورځ د نېشنل كمانډ اېنډ آپرېشن سنټر ﴿اېن سي او سي﴾ خاص غونډه د منصوبه بندې وفاقي وزير اسد عمر په مشرې كښې وشوه. په غونډه كښې د پنجاب، سندھ، خېبر پښتونخوا او د بلوچستان چيف سېكترانو د وېډيو لنك د لارې ګډون وكړو. په غونډه كښې پرېكړه وكړې شوه چې د مارچ د 29مې نېټې كال 2021م څخه به د هېواد په ټولو صوبو كښې هاټ سپاټ په ګوته كولو سره هلته لاك ډاٶن لګولې شي. دې سره سره د اپرېل د 5مې نېټې نه به په ان ډور او آٶټ ډور ودونو او دستورو هم په مكمل توګه بندېز وي. البته صوبو ته اختيار وركړے شوے چې دوي صورتحال كتلو سره بندېزونه لګولې شي. اېن سي او سي په هر ډول سماجي، كلتوري، سياسي او د لوبو په چارو هم بندېز لګولے. د دې بندېزونو اطلاق به په هغو ښارونو او ضلعو كېږي چرته چې د كورونا د مثبت كېسونو شرح د 8 فيصد نه زياته ده. اېن سي او سي وئيلي دي چې په صوبو كښې په ټرانسپورټ كښې د مسافرو كمي لپاره په مختلف آپشن غور كېږي او په دې لړ كښې به حتمي پرېكړه د صوبو د رائې او د رېل، ټرېن او هوائي جهاز د سفر كوونكو د شمېرې ترلاسه كېدو نه پس كولې شي. د دې نه علاوه صوبو ته هدايت شوے چې هغوي دې د اېن سي او سي لخوا وركړې شوي اهداف په وخت ترلاسه كړي. د اېن سي او سي لخوا صوبو ته د وېكسي نېشن ټارګټ پوره كولو هدايت شوے او وېكسي نېشن لپاره د درست او په وخت د ډېټا وركړې باوري كولو هم وئيلي شوي دي.
په صوبو كښې په هاټ سپاټ كښې د لاك ډاٶن نفاذ سره سره د اپرېل د 5مې نېټې نه د ودونو او نورو دستورو په انعقاد مكمل بندېز لګول شوے، د منصوبه بندې وفاقي وزير اسد عمر په مشرې كښۍ د اېن سي او سي خاص غونډه
مضمون کا ماخذ : melhores loterias do Brasil
متعلقہ مضامین
.jpg)