اسلام آباد 20 دسمبر(اے پي پي) د ټولې نړۍ مشرانو، سياستدانو او سفارتكار لخوا د پاكستان په كوربتوب كښې د او آئي سي د خارجه وزيرانو د كونسل د 17مې غېر معمولي غونډې په كاميابې او په جنګ ځپلي افغانستان كښې د بدتره انساني او معاشي صورتحال په تناظر كښې د نړيوالې ټولنې په رابېدارولو ستائنه كړې ده، د سعودي په مشرې او د پاكستان په كوربتوب كښې په غېر معمولي غونډه كښې د 20 خارجه وزيرانو ، 10 نائب خارجه وزيرانو او د 437 پلاوو ګډون د پاكستان لويه بريا ده. په پاكستان كښې د اروپائي اېتلاف سفير اندرولا كمينارا په ټويټر د او آئي سي په كاميابه غونډه پاكستان ته مباركي وركړې ده. افغانستان لپاره د امريكې ځانګړي استازي تهامس وېسټ د او آئي سي د خارجه وزيرانو د غونډې مهمې كاميابې، ټرسټ فنډ او تحفظ خوراك پروګرام تعميري وګرځولو. ده د او آئي سي د كردار او مرستې بشپړه هركلې وكړو. د مالېزيا خارجه وزير داتو سري سېف الدين عبدالله كوم چې په غونډه كښې ګډون وكړو او بيا ئې وزيراعظم سره ملاقات هم وكړو ، په خپل ټويټ كښې په افغانستان كښې د بحران مخ نيوي لپاره د غونډې په كوربتوب كولو د پاكستاني مشرتابه ستائنه وكړه. په امريكا كښې د پاكستان پخواني سفير جليل عباس جېلاني هم په كاميابه غونډه كولو خارجه وزير شاه محمود قريشي او د هغه ډلې ته مباركي وركړې. د ملګرو ملتونو د انډر سېكرټري جنرل په خپل ټويټ كښې وئيلي دي چې د وزيراعظم عمران خان او سعودي په مشرې كښې د او آئي سي د خارجه وزيرانو غېر معمولي غونډې ته وېنا ما لپاره د اعزاز خبره ده. په اسلام آباد كښې د برتانيې هائي كمشنر كرسچن ټرنر وئيلي دي چې په غونډه كښې د چين، روسيې او امريكې مبصرينو سره د برتانيه نمائندګي كول ما لپاره د فخر خبره ده په كومه كښې چې د افغانستان او انساني صورتحال په اړه مهمې خبرې شوې دي. نورو يو شمېر ملكي او غېر ملكي مشرانو هم د غونډې ستائنه او پاكستان ته ئې مباركي وركړې
د ټولې نړۍ مشرانو، سياستدانو او سفارتكار لخوا د پاكستان په كوربتوب كښې د او آئي سي د خارجه وزيرانو د كونسل د 17مې غېر معمولي غونډې په كاميابې ستائنه او مباركي
مضمون کا ماخذ : فا فا فا ۔
متعلقہ مضامین
