اسلام آباد۔29اکتوبر(اے پی پی) وزیراعظم محمد شہباز شریف سعودی عرب دے ݙو ݙینھ دے سرکاری دورے تے اسلام آباد توں ریاض روانہ تھی ڳئن۔وزیراعظم ریاض اچ 29 توں 31 اکتوبر کوں تھیوݨ آلے اٹھویں ??یو??ر انویسٹمنٹ ا??یشی ایٹیو اچ شرکت کریسن ۔ وزیراعظم دفتر دے پریس ونگ توں جاری بیان موجب ’’ لا محدود آفاق: آندے کل دی تعمیر سانڳے اڄ سرمایہ کاری‘‘ دے موضوع تے تھیوݨ آلی اٹھویں ??یو??ر انویسٹمنٹ ا??یشی ایٹیو اچ پاکستان سودھے دنیا دے ملک شریک تھیسن ۔ شریک ملک آپݨی معیشت دی خصوصیات تے روشنی پیندے سرمایہ کاری دے ودھارے تے پائیدار مستقبل سانڳے مشاورتی عمل دا حصہ بݨسن ۔ ??یو??ر انویسٹمنٹ ا??یشی ایٹیو کانفرنس اچ مصنوعی ذہانت، روبوٹکس، تعلیم، توانائی، خلاء، صحتِ عامہ اتے پائیدار ترقی دے حوالے نال دنیا کوں پیش آندے مسئلیں دے حل تے ڳالھ مہاڑ تے مشاورت تھیسی ۔ آپݨے ݙو ݙینھ دے دورہ سعودی عرب اچ وزیرِ اعظم دی سعودی اعلی قیادت نال ملاقات وی تھیسی ۔وزیراعظم شہباز شریف دی سعودی ولی عہد شہزادہ محمد بن سلمان نال وی ملاقات متوقع اے۔انھاں ملاقاتاں اچ پاکستان تے سعودی عرب وچال موجود ݙوطرفہ تعلقات بالخصوص تجارت، توانائی، معدنیات، زراعت اتے دفاع دے شعبیں اچ تعاون ودھاوݨ تے ڳالھ مہاڑ تھیسی ۔ وزیراعظم دی اٹھویں ??یو??ر انویسٹمنٹ ا??یشی ایٹیو اچ شرکت تے آوݨ آلے عالمی رہنماواں نال وی ملاقاتاں متوقع ہن۔وزیر دفاع خواجہ محمد آصف، وزیرخزانہ محمد اورنگزیب، وزیرنجکاری عبدالعلیم خان، وزیر پٹرولیم ڈاکٹر مصدق ملک، وزیر تجارت جام کمال خان اتے وزیر اطلاعات و نشریات عطاء اللہ تارڑ وی وزیر اعظم دے رلے ہن۔
