کراچی۔10اگست (اے پی پی) وزیرِ اعظم عمران خان آکھیا جو کراچی اچ وفاقی حکومت دے منصوبیاں کوں جلدی پورا کرݨ پہلی ترجیح اے، شہریاں کوں صاف اتے وافر پاݨی ݙیوݨ کوں یقینی بݨایا ونڄے۔ اے ڳالھ انہاں منگل کوں اتھاں کراچی ٹرانسفارمیشن پلان بارے جاری مختلف ترقیاتی منصوبیاں دی پیشرفت تے جائزہ اجلاس نال خطاب کریندیں ہوئیں آکھی۔ اجلاس اچ گورنر سندھ عمران اسماعیل، وفاقی و??یر برائے منصوبہ بندی و ترقی اسد عمر، وفاقی و??یر ریلوے اعظم سواتی، وفاقی و??یر برائے بحری امور سید علی زیدی، وفاقی وزیرِ برائے دفاعی پیداوار زبیدہ جلال اتے اعلیٰ افسرشریک تھیے۔ وزیراعظم کوں کراچی دے ترائے وݙے نالے (محمودآباد، گجر اتے اورنگی)، ملیر اتے لیاری دے دریاواں اتے نالیاں ??لے پاسے دی سڑکاں بݨاوݨ، سیوریج سسٹم اتے یوٹیلیٹیز تے تفصیلی بریفنگ ??تی ڳئی۔ چئیرمین این ڈی ??یم اے ݙسیا جو نالیاں دا سروے پورا کر ڳھدا ڳئے اتے تجاوزات ہٹاوݨ دا کم جاری اے۔ وزیراعظم کوں ݙسیا ڳیا جو محمودآباد اتے اورنگی نالے تے پیشرفت بالترتیب سو فیصد اتے 98فیصد اے جݙانجو گجر نال?? توں تجاوزات ہٹاوݨ اچ 89 فیصد پیشرفت تھی ڳئی اے، اورنگی اتے محمود آباد نالیاں دی صفائی اچ پیش رفت دا تناسب 97اتے 90فیصد اے۔ وزیراعظم کوں ݙسیا ڳٰیا جو بقایا سول ورکس 2022 تئیں پورا کر ڳھدا ویسی۔ وزیراعظم کوں گرین لائن اتے اورنج لائن بی آر منصوبے دی پیش رفت تے وی بریفنگ ??تی ڳئی۔ گرین لائن ایں سال اکتوبر اچ چل پوسی، ستمبر دے ادھ اچ چین توں 80 بساں پڄ ویسن۔ وزیراعظم سارے متعلقین کوں جاری منصوبیاں کوں ٹائم لائنز دے تحت پورا کرݨ دی ہدایت کیتی۔ انہاں آکھیا جو سارے منصوبیاں کوں جلدی توں جلدی فعال کیتا ونڄے تانجو کراچی دی عوام انہاں توں فائدہ چا سڳے۔
کراچی اچ وفاقی حکومت دے منصوبیاں کوں جلدی پورا کرݨ پہلی ترجیح اے، شہریاں کوں صاف اتے وافر پاݨی ݙیوݨ کوں یقینی بݨایا ونڄے، وزیراعظم عمران خان دا کراچی ٹرانسفارمیشن پلان بارے جاری مختلف ترقیاتی منصوبیاں دی پیشرفت تے جائزہ اجلاس نال خطاب
مضمون کا ماخذ : ایزٹیک واریر شہزادی
متعلقہ مضامین
